Parlementêre komitees hou kwessies by Kusile dop

Parlementêre komitees hou Eskom se vordering met omgewingskwessies by die Kusile-kragstasie dop.

Volgens Eyewitness News volg dit op ’n uitspraak van die Hoogste Hof van Appèl waarin bevind is dat Eskom nie aan sekere omgewingsmagtigings en voorwaardes van sy watergebruikslisensie voldoen het nie.

Eskom sê hy het reeds 25 van 41 regstellende stappe voltooi, maar die parlement sê meer werk is nodig om onder meer waterbesoedeling en grondwaterbesoedeling aan te spreek.

Die komitees wil vasstel of die maatreëls wat Eskom ingestel het, tot ’n meetbare verbetering van die omgewing lei.

Die parlement sal die vordering in die vierde kwartaal weer bespreek.

Ter illustrasie. FOTO: EWN