Partye eis antwoorde ná ‘n taxibaas-saak van die rol geskrap word

ActionSA en die DA eis antwoorde nadat die afpersing- en geldwassery-saak teen taxibaas Joe Sibanyoni en sy medebeskuldigdes van die hofrol geskrap is.

Die saak is geskrap nadat die aanklaer glo nie in die hof opgedaag het nie.

ActionSA sê die voorval wek ernstige kommer oor aanspreeklikheid binne die regstelsel en het ’n dringende ondersoek versoek.

Die DA sê die aanklaer se afwesigheid ondermyn openbare vertroue in die regstelsel en vra dat die Nasionale Vervolgingsgesag verduidelik wat gebeur het.

Hulle het ook die NVG se besluit bevraagteken om ervare aanklaers vroeër te laat aftree.

Ter illustrasie. FOTO: Wix