Partye word gevra om befondsing betyds te verklaar

Saamgestel deur Nadia Pieters
6 days ago
1 min read

Die Onafhanklike Verkiesingskommissie (OVK) het politieke partye versoek om inligting oor hul befondsers betyds in te dien.

Volgens die kommissie het slegs vyf politieke partye hul verklarings oor skenkings gedurende die vierde kwartaal van die 2025/26-boekjaar betyds ingedien, terwyl ander partye laat was.

Die OVK sê kiesers verdien om te weet wie die politieke partye befonds waarvoor hulle in vanjaar se plaaslike regeringsverkiesing gaan stem.

Intussen berig SABC News die Demokratiese Alliansie het volgens die OVK se jongste verslag die grootste bedrag aan skenkings verklaar, met meer as R57 miljoen.

Rise Mzansi het sowat R30 miljoen verklaar, terwyl ActionSA meer as R9 miljoen ontvang het.

Die ANC het intussen 'n laat verklaring van R10 miljoen van Botho Botho Commercial Enterprises ingedien.

Volgens die OVK het politieke partye gesamentlik meer as R97 miljoen aan skenkings gedurende die kwartaal verklaar.