Pendelaars kan tot 40% meer betaal

Saamgestel deur Nadia Pieters
3 hours ago
1 min read

Met taxi-tariewe wat moontlik gaan styg ná die jongste brandstofverhogings kan pendelaars dalk binnekort tot 40% meer vir vervoer betaal.

Volgens SABC News het die Nasionale Taxi-alliansie operateurs aangeraai om tariewe met tussen R3 en R6 vir plaaslike ritte en R10 tot R30 vir langafstandreise te verhoog.

Die organisasie waarsku dat die skerp styging in brandstofpryse verdere druk op beide operateurs en pendelaars sal plaas.

Intussen sê ’n pendelaar aan Rosestad-nuus die moontlike verhoging maak haar baie bekommerd.

Sy sê sy sukkel reeds om maandeliks kop bo water te hou, en dat ’n toename van byna 40% in vervoerkoste kan beteken dat haar gesin op kos en ander noodsaaklikhede sal moet besnoei.