Phala Phala: Didiza verdedig haar hantering van die saak

Saamgestel deur Ilde Roos
May 29
1 min read

Die Speaker van die Nasionale Vergadering, Thoko Didiza, het haar hantering van ‘n Konstitusionele Hofbevel om ‘n ondersoek teen President Cyril Ramaphosa te begin verdedig.

Opposisiepartye het tydens die debat oor die parlement se begroting die regerende ANC gekritiseer omdat hulle die ondersoek na die Phala Phala-plaasskandaal destyds in 2022 stopgesit het.

Didiza het bewerings van partydigheid verwerp en hou vol dat sy die hof se opdragte letterlik nakom.

Alhoewel Ramaphosa met regstappe dreig om die hersiening te vertraag, is die nuutgestigte parlementêre afsettingskomitee steeds geskeduleer om Maandag sy eerste vergadering te hou.