Plaasaanvallers kry elk 20 jaar tronkstraf
- Saamgestel deur Nadia Pieters
- Jun 8
- 1 min read
Twee mans wat 'n bejaarde egpaar in die Vrystaat oorval, vasgebind en beroof het, is elk tot 20 jaar direkte tronkstraf gevonnis.
Volgens Maroela Media het die aanval in Augustus verlede jaar op die egpaar se plaas naby Smithfield plaasgevind nadat hulle van 'n kerkdiens teruggekeer het.
Die slagoffers, Gerald Diedericks en sy vrou Althea, is in hul huis oorval.
Die aanvallers het kontant, juweliersware en ander besittings gesteel. Gerald is ook ontvoer en langs die pad agtergelaat.
Die verdagtes is kort ná die aanval in hegtenis geneem en die gesteelde eiendom is teruggevind.
Die twee mans het skuld beken op verskeie aanklagte, waaronder roof met verswarende omstandighede en ontvoering.
Die hof het gelas dat hul vonnisse gelyklopend uitgedien word.
Comments