Polisie is by die UV-kampusse ontplooi

Saamgestel deur Nadia Pieters
Oct 9, 2025
1 min read

Die Universiteit van die Vrystaat (UV) het versoek dat die Suid-Afrikaanse Polisiediens op hul drie kampusse ontplooi word.

Dit in reaksie op beweerde hernude dreigement van protesaksie wat verband hou met studente se skuld, NSFAS-befondsingsuitdagings en die beëindiging van voorlopige registrasie vanaf 2026.

Polisiewoordvoerder, Lt. Kol. Thabo Covane, sê in ‘n mediaverklaring die versoek volg na die universiteit verhoogde mobilisasie op sosiale media-platforms opgemerk het, met plasings wat daarop dui dat groepe van voorneme is om normale universiteitsbedrywighede te ontwrig.

Intussen is vyf mans-studente op die Bloem-kampus vir openbare geweld in hegtenis geneem, na hulle polisievoertuie met klippe gegooi het.

Die polisie gaan met patrollies in en om die kampusperseel voort.