Polisie verwerp bewerings van vuilspel in konstabels se dood

Volgens Newskoop het die polisie bewerings van vuilspel in die dood van drie konstabels verwerp. Die polisie vermoed die konstabels het tydens ’n storm gery en toe met hul voertuig gebots, wat gerol en van die N1-snelweg afgewyk het. Rosestad-nuus het vroeër berig hulle was op Woensdag 23 April van Bloemfontein op pad na hul ontplooiingsgebied in Limpopo toe hul voertuigopsporingstelsel en selfone onbereikbaar geraak het. ’n Volskaalse soektog is van stapel gestuur om die polisielede en hul voertuig op te spoor. Volgens Newskoop is die konstabels se liggame verlede week in die Hennopsrivier in Centurion gevind. Hulle voertuig is verlede week Donderdag uit dieselfde rivier gehaal. Ondersoeke duur voort.