Prasa bereik loonooreenkoms met sleutelvakbonde

Die Passasierspooragentskap van Suid-Afrika (Prasa) het ‘n loonooreenkoms met twee van die grootste vakbonde wat sy werkers verteenwoordig bereik. Die vakbonde het ooreengekom op ‘n salarisverhoging van 5.5%. Dit volg op ‘n proses wat deur die Kommissie vir Versoening, Bemiddeling en Arbitrasie gefasiliteer is na verskeie rondes van mislukte onderhandelinge. Prasa het ook aangekondig dat geen werkers gedurende die tydperk van die nuwe ooreenkoms afgedank sal word nie. Die agentskap sê dat hulle steeds daartoe verbind is om die welstand van sy werknemers en die organisasie se langtermynvolhoubaarheid te ondersteun.