Provinsiale regering werk saam met munisipaliteite vir oplossings

Premier MaQueen Letsoha-Mathae herinner die leiers van die Mangaung Metro Munisipaliteit dat die Vrystaatse regering sal help om uitdagings wat dienslewering belemmer, aan te spreek. Volgens die Vrystaatse Regering se Facebook-bladsy, het die vergadering Maandag in die OR Tambo House in Bloemfontein plaasgevind na aanleiding van die toenemende probleme wat die munisipaliteit raak. Mathae het dadelik verseker dat die provinsiale regering nie in die munisipaliteit se aangeleenthede sal inmeng nie, maar eerder sal fokus op die aanspreek van uitdagings wat dikwels dienslewering belemmer. Sy het tydens haar Provinsiale Redetoespraak op 21 Februarie gesê die Vrystaatse Provinsiale Regering sal saam met munisipaliteite werk om blywende oplossings te vind. Sy het ook haar bekommernis oor die swak toestand van munisipaliteite, wat nie dienste soos water, elektrisiteit en vullisverwydering verskaf nie, uitgespreek en beloof hulp om hierdie probleme aan te spreek