Ramaphosa gaan glo Vrystaat-munisipaliteite vas vat
- Saamgestel deur Nadia Pieters
- Mar 25
- 1 min read
President Cyril Ramaphosa sal na verwagting streng optree wanneer hy met die ANC se Vrystaatse provinsiale uitvoerende komitee en regeringsleiers vergader oor die krisis in munisipaliteite.
Volgens Mail & Guardian sal Ramaphosa eers met die ANC-leierskap vergader, voordat hy ook met premier MaQueen Letsoha-Mathae en LUR’e in gesprek tree.
Die besoek vorm deel van ’n breër betrokkenheid tussen die nasionale kabinet en die provinsiale regering.
Die Vrystaat se munisipaliteite sukkel reeds jare met korrupsie, nepotisme en wanbestuur.
Die ouditeur-generaal het bevind dat geen munisipaliteit in die provinsie die afgelope ses jaar ’n skoon oudit ontvang het nie.
Intussen sê die provinsiale regering hy is vasbeslote om stabiliteit te herstel en dienslewering te verbeter.
Comments