'Ramaphosa kan gevra word om voor die Parlement te verskyn'

Saamgestel deur Ilde Roos
Aug 5
1 min read

Regsadvies aan die Parlement dui daarop dat President Cyril Ramaphosa net soos enige ander getuie ontbied kan word om voor die Parlement te verskyn.

SABC-nuus berig die Afsettingskomitee is besig met die finalisering van sy administratiewe werk. Dit volg nadat die hooggeregshof in Kaapstad beslis het dat geen getuienis aangehoor kan word voordat die president se aansoek vir die hersiening van die Artikel 89 onafhanklike paneelverslag, afgehandel is nie.

Die komitee het verlede week regsadvies aangevra oor of die president self moet getuig.