Ramaphosa maak stem dik oor spaza-winkels

President Cyril Ramaphosa het alle spaza-winkels regoor die land 21 dae gegee om by die nodige regeringskanale te registreer - of sluiting in die gesig te staar. Oor die laaste paar weke alleen het voedselgedraagde siektes die lewens van ten minste 22 van die land se kinders geëis. LEES MEER: Sharpeville-inwoners sluit buitelanders se spaza-winkelsIOL berig Ramaphosa het die land Vrydagaand toegespreek oor die kabinet se ingrypings om voedselgedraagde siektes te voorkom en te bestuur. Oor die afgelope drie maande het honderde leerders by skole regoor Suid-Afrika siek geword nadat hulle kos en lekkers geëet het wat by straatsmouse of spaza-winkels gekoop is. Ramaphosa het ’n drieledige plan verduidelik om die kwessie aan te pak. Hy sê die eerste ingryping is om gevaarlike plaagdoders van die straat af te kry. Die tweede kritieke ingryping is om kinders teen blootstelling aan hierdie stowwe te beskerm. Ramaphosa het bygevoeg dat die derde kritieke ingryping is om toekomstige uitbrekings te voorkom.