Ramaphosa onderskryf Eskom se herstruktureringsverslag
- Saamgestel deur Jana Roos
- Jul 31
- 1 min read
Die Eskom Herstruktureringstaakspan se Fase Een-verslag is deur president Cyril Ramaphosa onderskryf, wat die weg baan vir die herstrukturering van Suid-Afrika se elektrisiteitsektor.
Volgens die Presidensie stel die verslag aanbevelings uiteen vir die vestiging van ’n onafhanklike Transmissiestelseloperateur (TSO) apart van Eskom.
Die stap is daarop gemik om ’n meer mededingende mark te skep, beleggings te lok, elektrisiteitskoste te verminder en energiesekerheid te verbeter. Die verslag het bevind dat die herstrukturering haalbaar is en geïmplementeer kan word sonder om Eskom se finansiële volhoubaarheid in die gedrang te bring.
Die woordvoerder vir die Presidensie, Vincent Magwenya, sê die tweede fase van die proses sal fokus op die ontwikkeling van ’n gedetailleerde implementeringsplan oor die volgende drie maande.
LUISTER HIER:
Comments