Ramaphosa onderteken twee wetsontwerpe

President Cyril Ramaphosa het twee wetsontwerpe onderteken, een ten opsigte van die bewaring en ontwikkeling van landbougrond en die ander om te voorkom dat skepe die see besoedel. Maroela Media berig die een deel van die wetgewing is daarop gemik om te verseker landbougrond word beskerm - om sodoende langtermyn-voedselproduksie volhoubaar te maak. Die wysigingswetsontwerp op mariene besoedeling bied op sy beurt strenger maatreëls om oseane teen besoedeling te beskerm. Dit gee onder meer aandag aan die behandeling en veilige wegdoening van riool wat van skepe afkomstig is.