Ramaphosa praat met tradisionele leiers oor geweld teen buitelanders

Saamgestel deur Jana Roos
2 minutes ago
1 min read

President Cyril Ramaphosa sê die regering sal die toepassing van immigrasie-wetgewing verskerp, maar onwettige immigrante is nie die onderliggende rede vir die land se ekonomiese en maatskaplike probleme nie.

Ramaphosa het tradisionele leiers in Pretoria toegespreek, en hulle gevra om te help om geweld teen buitelandse burgers te voorkom en maatskaplike samehorigheid te bevorder.

Hy het herhaal dat slegs die staat die bevoegdheid het om immigrasiewette toe te pas, en dat geen individu 'n bewys van nasionaliteit van 'n ander mag eis nie.

Die president sê tradisionele leiers het 'n belangrike rol om te speel in die bevordering van dialoog, die voorkoming van geweld en die ondersteuning van die regering om migrasie wettig te bestuur.