Ramaphosa se swaer wil nie president wees nie

Saamgestel deur Ilde Roos
Jul 23
1 min read

President Cyril Ramaphosa se swaer het spekulasie dat hy hom eendag dalk vir die land se presidentskap beskikbaar sal stel, van die hand gewys.

Daar is al verskeie kere in die Suid-Afrikaanse media berig dat die mynmagnaat en miljardêr Patrice Motsepe 'n moontlike opvolger vir Ramaphosa kan wees.

Maroela Media berig Motsepe het egter gesê Suid-Afrika het hom nie nodig in die politiek nie, aangesien daar heelwat baie bekwame en goeie leiers in die land is.

Motsepe, wat ook die sokkerspan Mamelodi Sundowns besit, sê ook hy het geen begeerte of ambisie om president van FIFA te wees nie. Hy sê hy bly gefokus op sy rol aan die stuur van die Konfederasie vir Afrika-sokker (CAF), wat tot 2029 duur.