Ramaphosa sê Afrika dryf globale tegnologiese innovasie aan

Saamgestel deur Ilde Roos
1 hour ago
1 min read

President Cyril Ramaphosa sê Suid-Afrika en die Afrika-kontinent haal nie meer digitaal in nie, maar dryf nou globale tegnologiese innovasie aan.

Hy het gepraat by die Google Cloud Summit in Sandton, waar hy wolkrekenaars en kunsmatige intelligensie as sleuteldrywers van toekomstige groei en werkskepping uitgelig het.

Ramaphosa sê Afrika word toenemend ‘n spilpunt waar digitale oplossings ontwikkel en opgeskaal word, nie net aangeneem word nie. Hy het bygevoeg dat Suid-Afrika, as die vasteland se grootste wolkmark, goed geposisioneer is om hierdie transformasie te lei deur voortgesette ekonomiese hervormings en belegging in digitale infrastruktuur.