Ramaphosa verdedig rede vir Whitfield se afdanking
- Saamgestel deur Armando Pieters
- Jun 28, 2025
- 1 min read
President Cyril Ramaphosa het tradisie verbreek en in die openbaar sy besluit om die DA se Andrew Whitfield uit sy amp te verwyder, verdedig.
Ramaphosa het die voormalige adjunkminister van handel, nywerheid en mededinging daarvan beskuldig dat hy sonder toestemming ‘n internasionale reis na Amerika onderneem het.
Hy het ook die DA-leier, John Steenhuisen, gekritiseer dat hy daarna “onverantwoordelike en onregverdigbare dreigemente” gemaak het.
Dit omdat die DA ‘n ultimatum aan Ramaphosa uitgereik het om ander ministers binne 48 uur ook af te dank.
Volgens Business Tech het die president gesê hy sal nie toegee aan dreigemente en ultimatums nie.
Die DA sê hy sal die land toespreek wanneer die 48 uur verby is – wat vandag om 3-uur verstryk.
Comments