Ramaphosa wil die Onteieningswet-saak van die hand laat wys

President Cyril Ramaphosa het die Wes-Kaapse Hooggeregshof versoek om die uitdaging teen die Onteieningswet van die hand te wys. Die DA, AfriForum en die Vaderland Stigting betwis dié wet.

Ramaphosa se regsverteenwoordigers het die hof meegedeel dat die Onteieningswet nie grondwetlik inbreuk maak op eiendomsregte nie. Die wet bepaal dat daar, in uitsonderlike omstandighede, geen vergoeding vir onteiende eiendom betaal hoef te word nie.

Ramaphosa se regsverteenwoordigers sê dié beperking moet steeds voldoen aan die grondwetlike vereiste van ’n billike afweging van regte en belange.

President Cyril Ramaphosa. FOTO: Facebook