Ramphulp beskikbaar vir Suid-Afrika

Minister van Koöperatiewe Regering en Tradisionele Aangeleenthede (CoGTA), Velenkosini Hlabisa, het aangekondig dat R1,44 miljard aan fondse vir ramphulp en herstel beskikbaar gestel is om onlangse natuurrampe regoor Suid-Afrika aan te spreek. Daily Maverick berig hy het egter gewaarsku dat munisipaliteite streng gemonitor sal word om wanbesteding van die fondse te voorkom. Die toelae sal die herstel van infrastruktuur, soos paaie, skole, klinieke en landbouondersteuning in verskeie provinsies, insluitend die Vrystaat, bevorder. Hlabisa het benadruk dat streng voorwaardes aan munisipaliteite verbonde is en dat enige wanbesteding met geregtelike aksie gepaard sal gaan. Die regering werk ook aan langtermynplanne om gemeenskappe in rampsensitiewe gebiede te verskuif en om klimaatsaanpassing te bevorder