Regshulp SA aktiveer planne te midde van dreigende staking

Regshulp Suid-Afrika het noodmaatreëls ingestel om dienste aan die publiek voort te sit, terwyl werknemers voorberei om Maandag ’n staking te hervat.

Die prokureursvakbond Salawu sê die staking volg nadat onvoldoende vordering gemaak is met werknemers se eise.

Regshulp Suid-Afrika sê begrotingsdruk het sy vermoë beperk om sekere maatreëls wat werknemers raak, in werking te stel.

Die organisasie sê hy respekteer werknemers se reg om te staak en bly verbind tot gesprekvoering, terwyl hy verseker dat kwesbare mense en behoeftiges steeds regshulp ontvang.

Ter illustrasie. FOTO: Wix