Renosterstropers se skuldigbevinding is ‘n groot deurbraak

Saamgestel deur Nadia Pieters
2 hours ago
1 min read

Die skuldigbevinding van mans wat met renosterstropery in die Krugerwildtuin verbind word, word as ’n deurbraak in die stryd teen georganiseerde wildmisdaad beskou.

Die saak het egter ook vrae laat ontstaan oor die tempo en doeltreffendheid van optrede teen omgewingsmisdaad, nadat dit jare geneem het om tot ’n skuldigbevinding te lei.

Daar is ook kommer uitgespreek oor breër omgewingsbestuur, insluitend bewerings wat die minister van omgewingsake, Willie Aucamp, betrek.

ActionSA se parlementslid, Alan Beesley, sê die party wil meer duidelikheid kry oor bewaringsbeleid en bestuur in die wildbedryf.

Intussen berig Daily Maverick drie voormalige werknemers van die Krugerwildtuin is skuldig bevind aan renosterstropery en sameswering — wat die rol van “binnepersone” in georganiseerde wildmisdaad uitlig.

Die saak spruit uit ’n voorval in 2021 in die Skukuza-gebied, en vonnisoplegging word later vandeesmaand verwag.