Reën- en donderbuie word weer in die VS verwag

Die Vrystaat kan van Woensdag af weer reën- en donderbuie verwag, nadat die weer die afgelope paar dae opgeklaar het.

Volgens die Suid-Afrikaanse Weerdiens is daar ’n 60%-kans op reën op plekke, hoewel die Suid-Vrystaat grootliks droër sal bly.

Netwerk24 berig die weer behoort Donderdag en Vrydag weer op te klaar, maar ’n laagdrukstelsel kan vanaf Saterdag weer verspreide reën- en donderbuie bring.

Temperature kan dan daal tot tussen 11 en 24 grade, terwyl sterk en moontlik skadelike wind ook verwag kan word.

Ter illustrasie. FOTO: Wix