Riglyne vir omstrede Bela-wet eersdaags bekend

Die minister van Basiese Onderwys, Siviwe Gwarube, sê haar departement werk baie hard om die beloofde riglyne en regulasies vir die omstrede Wysigingswet op Basiese Onderwyswette (Bela) te finaliseer. Die regulasies sal riglyne bied van hoe die wet toegepas moet word. Volgens die minister beplan die departement om die riglyne teen die einde van die maand te publiseer. Die wetgewing is egter reeds van krag nadat president Cyril Ramaphosa dit verlede jaar bekragtig het.