Robert Redford is in die ouderdom van 89 oorlede

Die Hollywood-akteur en Oscar-bekroonde regisseur Robert Redford is Dinsdag in die ouderdom van 89 oorlede.

Hy is bekend vir sy rolle in Butch Cassidy And The Sundance Kid, All The President's Men en The Sting.

Sky News berig Redford was omring deur geliefdes in die berge van Utah – ‘n plek waarvoor hy baie lief was.

Tydens sy loopbaan van ses dekades het hy twee Academy Awards en drie Golden Globe- toekennings ontvang, insluitend die Cecil B DeMille leeftyd-prestasie-eerbewys in 1994.