Rocky Horror-ster Tim Curry is oorlede

Die Engelse akteur Tim Curry, wat veral bekend was vir sy rol as die buitensporige Frank-N-Furter in die musiekfilm The Rocky Horror Picture Show, is in die ouderdom van 80 oorlede.

BBC berig Curry het die rol eers op die verhoog vertolk voordat die rolprentweergawe in 1975 vrygestel is en ’n kultusgunsteling geword het.

Hy het ook die vreesaanjaende nar Pennywise in die 1990-televisieverwerking van Stephen King se It vertolk, asook Long John Silver in Muppet Treasure Island.

Curry het in 2012 ’n ernstige beroerte gehad en moes daarna ’n rolstoel gebruik. Hy het hom op stemrolle toegespits en steeds by rolprentkonvensies verskyn. Hy het verlede jaar sy memoires, Vagabond, gepubliseer.

Sy Clue-medester en Better Call Saul-akteur Michael McKean het op sosiale media gesê sy laaste gesprek met Curry het oor “die lewe, liefde en lag” gegaan.

Tim Curry in van sy rolle. FOTO: Facebook