Roelf Meyer wil bande met Amerika herstel

Suid-Afrika se nuwe ambassadeur in die Verenigde State, Roelf Meyer, sê sy grootste doelwit is om diplomatieke bande tussen Suid-Afrika en Amerika te herstel.

Meyer is vandeesweek amptelik by die Withuis geakkrediteer nadat die pos vir sowat ’n jaar vakant was.

Hy sê Suid-Afrika het sy diplomatieke sending in Amerika te lank afgeskeep, wat volgens hom tot gespanne betrekkinge tussen die twee lande bygedra het.

Meyer sê hy het nog nie persoonlik met Amerikaanse president Donald Trump vergader nie, maar het geskerts dat hy graag saam met Trump sal gaan stap wanneer hy gholf speel.

Hy sê sterker betrekkinge tussen die twee lande is belangrik vir Suid-Afrika se ekonomiese groei.

Roelf Meyer. FOTO: Polity