Rooibos is op pad na die ruimte
- Saamgestel deur Nadia Pieters
- 1 day ago
- 1 min read
Suid-Afrikaanse rooibos-saad sal later vanjaar na die Internasionale Ruimtestasie gestuur word as deel van die nuwe Rooibos in die Ruimte-program.
Die saad sal aan mikrogravitasie en ruimtestraling blootgestel word voordat dit na die aarde terugkeer, waar wetenskaplikes dit met sade hier sal vergelyk.
Die projek word deur die Suid-Afrikaanse Rooibosraad, MaxIQ Space en die Suid-Afrikaanse Nasionale Ruimteagentskap gelei.
Leerders van sewe skole in die Cederberg sal ook aan die navorsingsprojek deelneem, wat ondersoek hoe plante onder ruimtetoestande groei en aanpas.
Comments