RUGBY: Du Toit kry die Stormers se fiksheid op koers
Die Stormers het Steph du Toit as hul nuwe hoof van atletiese prestasie aangestel, met die voormalige Westelike Provinsie-fiksheidskenner wat volgens kaptein, Ruhan Nel, reeds ’n groot indruk tydens die voorseisoen gemaak het.
Nel beskryf Du Toit as ’n ongelooflike karakter en mens, en vertel hoe hy en ander spelers in 2017 sonder beserings deur die sewesreeks gekom het nadat Du Toit hulle fiksheidsvlak bestuur het.
Die Stormers het intussen na Ierland gereis vir Vrydagaand se wedstryd teen Connacht, waarna hulle Edinburgh besoek voordat hulle op 10 Oktober teen die Haaie hul eerste tuiswedstryd speel.
Haashim Pead se ooreenkoms met die Stormers is ook beklink, terwyl die Leeus Saterdag teen Leinster begin, die Bulle teen Zebre in Parma afskop en die Haaie teen die Ospreys op Kingspark speel.
Comments