RUGBY: Rassie Erasmus kondig Springbokgroep met jeug en ervaring aan vir nuwe internasionale seisoen

Springbok-afrigter Rassie Erasmus het ‘n oefengroep van 54 vir die begin van die internasionale seisoen aangekondig wat ook nege spelers insluit sonder enige toets-ervaring. Bekende  gesigte soos Vincent Tshituka, Ethan Hooker en Juarno Augustus sal onskatbare ervaring opdoen saam met Wêreldbeker-wenners terwyl die opwindende Ikey-vleuel Ntokozo Makhaza moontlik binnekort sy debuut in die Springboktrui kan maak. Die groep met 31 Rugbywêreldbeker-spelers sal op 8 Junie in Johannesburg met voorbereidings begin terwyl die Bulle en Haaie spelers  wat tans betrokke is by die VRK-uitspeelrondes later sal aansluit. Die Bokke skop hul seisoen op 28 Junie in Kaapstad teen die Barbarians af gevolg deur toetse teen Italië en Georgië.