RUGBY: Shimlas, Ixias, Maties & Tukkies behaal oorwinnings in Varsitybeker-reeks

Die tweede ronde van die Varsitybeker-reeks het weereens kookwater spel opgedis toe die Shimlas, Ixias, Maties en Tukkies goeie oorwinnings behaal het. In Bloemfontein het die Shimlas vir Wits met 59 – 29 getrap terwyl die Ixias met 23 – 19 oor die Ikeys kon seëvier. Die Maties het na Potchefstroom gereis en die Noordwes-Arende met 29 – 27 gestuit terwyl Tukkies op hul tuisveld te veel skietgoed vir UJ gehad het en het met 37 – 29 die septer geswaai. Volgende Maandag kuier die Johannesburgse studente by Shimlas, Wits speel gasheer vir die Pukke, Ixias reis na Stellenbosch en die Ikeys onthaal vir Tuks in Kaapstad.