RUGBY: Super-Sacha lei die Bokke tot 'n ongelooflike oorwinning

Onder leiding van Sacha Feinberg-Mngomezulu het die Springbokke op Kingspark in Durban geseëvier oor Argentinië in 'n ongelooflike oorwinning van 67 – 30.

Supersport berig dit het aanvanklik gelyk of die Springbokke die punte op 'n skinkbord weggee.

Maar super-Sacha het die wedstryd weer omgeswaai met 'n driekuns-drieë en netjiese skopwerk vir 'n gekombineerde totaal van 37 punte.

Die tuisspan se kanse is nou nog springlewendig om sy Rugbykampioenskap-titel suksesvol te verdedig.

FOTO: Rapport