SA het nou 'n toegewyde eenheid vir vermiste persone

Saamgestel deur Ilde Roos
Jul 13
1 min read

Suid-Afrika se eerste toegewyde polisie-eenheid vir vermiste persone is in Kaapstad bekend gestel.

Die inisiatief bring die Suid-Afrikaanse Polisiediens, die Nasionale Vervolgingsgesag, die Departement van Binnelandse Sake en die Mitchells Plain-gebaseerde nie-winsgewende organisasie Faith and Hope Missing Persons byeen.

Luidens berigte sal die eenheid polisieondersoeke ondersteun deur opgeleide vrywilligers te koördineer, families by te staan en gemeenskapssoektogte te help reël. Dis bedoel om die reaksie op sake van vermiste persone te versterk.