SA is nie immuun teen konflikverwante kuberrisiko’s nie

Suid-Afrika is nie immuun teen konflikverwante kuberrisiko’s nie, ten spyte daarvan dat die land nie direk betrokke is by konflik in die Midde-Ooste nie.

Die waarskuwing kom van die regsfirma Webber Wentzel, wat sê verskeie sektore plaaslik kwesbaar bly vir kuberaanvalle.

Dit sluit onder meer die finansiële dienste-sektor, hawens, energie-infrastruktuur en telekommunikasienetwerke in.

Volgens die firma kan Suid-Afrika ook indirek geraak word weens sy afhanklikheid van internasionale handel en integrasie in globale markte.

Verder kan wisselvalligheid in energie- en kommoditeitspryse, asook blootstelling aan internasionale herversekeringsmarkte, die land meer kwesbaar maak vir die nagevolge van konflik.

Ter illustrasie. FOTO: Unsplash