SA sal nie vlugtelingkampe stig nie

Die regering sê daar is geen planne om vlugtelingkampe in Suid-Afrika te stig as deel van pogings om immigrasie-uitdagings aan te pak nie.

Die Interministeriële Komitee oor Migrasie het die regering se benadering verduidelik te midde van toenemende debat oor immigrasie en onwettige buitelanders.

Dit volg nadat verskeie optogte die afgelope tyd onwettige buitelanders geteiken het, terwyl dreigemente ook op sosiale media versprei is.

Die regering sê werk aan 'n spesiale hof wat immigrasie-oortredings en onwettige ekonomiese aktiwiteite sal hanteer, is reeds in 'n gevorderde stadium.

Ter illustrasie. FOTO: Unsplash