SA se eerste kits-selfie-visum gereed om te gebruik

Suid-Afrika se volledig digitale visumstelsel sal in September in werking tree, wat besoekers in staat stel om aanlyn aansoek te doen en hul QR-gekodeerde visums op hul selfone te stoor. Die aanlyn kitsvisum lê biometrie vas en kruiskontroleer aansoeke met die sekuriteitskenmerke van nasionale paspoorte. Alle aansoeke sal aanlyn gedoen word en behels die skandering van ‘n paspoort en ander nodige dokumente, ‘n verklaring, die oplaai van ‘n selfie en ‘n betaling. Die visumstelsel sal immigrasiebeamptes ook in staat stel om betyds te weet of ‘n besoeker hul visum oorskry.