SA se ingemaakte sardientjies bly veilig vir verbruik

Suid-Afrika se ingemaakte sardientjies bly veilig vir verbruik ondanks die opsporing van sardienherpesvirus (PHV) in wilde sardienpopulasies.

Dit is volgens die Departement van Bosbou, Visserye en die Omgewing en die nasionale reguleerder vir verpligte spesifikasies (NRCS). Hulle sê dit is nie bekend dat sardienherpesvirus mense of diere affekteer nie en dat daar geen bewyse is dat dit siekte by mense veroorsaak nie.

Hulle voeg by dat die kommersiële hittebehandelingsproses wat tydens inmaak gebruik word, aan die vereiste standaard voldoen om virusse, insluitend sardienherpesvirus, te vernietig.

Die departement en die NRCS raai die publiek egter aan om nie dooie of sterwende sardientjies wat op strande gevind word, te versamel, te hanteer of te eet nie.

Ter illustrasie. FOTO: Unsplash