SA se lugvaartsektor is toegerus vir ongunstige weerstoestande

Saamgestel deur Jana Roos
May 7
1 min read

Die Suid-Afrikaanse Burgerlugvaartowerheid het die publiek verseker dat stelsels in plek is om veilige vlugte tydens ongunstige weerstoestande te verseker. Dit kom terwyl swaar reën en sterk winde steeds groot dele van die land teister, insluitend die Wes-, Oos- en Noord-Kaap.

Sneeu is ook in sommige gebiede aangeteken.

Die entiteit se Poppy Khoza sê die lugvaartstelsel is ontwerp om komplekse weerpatrone te weerstaan en te bestuur. Sy voeg by verskeie kontroles en balanse is in die stelsel ingebou om te verseker dat vliegtuie veilig tydens erge weersomstandighede opereer.