SA se werkloosheidsyfer daal
- Saamgestel deur Nadia Pieters
- Feb 17
- 1 min read
Updated: Feb 18
Suid-Afrika se amptelike werkloosheidsyfer het in die vierde kwartaal van 2025 tot 31.4% gedaal, ‘n halwe persentasiepunt laer as die vorige kwartaal.
Volgens die jongste Kwartaallikse Arbeidsmagopname het die aantal werkende mense met 44 000 tot 17.1 miljoen gestyg.
Dit terwyl werkloosheid met 172 000 tot 7.8 miljoen gedaal het.
Die werkende ouderdomsbevolking staan nou op 42.1 miljoen.
Statistieke Suid-Afrika sê werkswinste is in gemeenskaps- en maatskaplike dienste, konstruksie en finansies aangeteken.
Hulle voeg egter by werkverliese is in handel, vervaardiging en mynbou gesien.
Comments