SA verhoog belasting op ingevoerde goedere

Saamgestel deur Nadia Pieters
Mar 23
1 min read

Suid-Afrika het hoë anti-stortingsbelastings op sekere ingevoerde goedere ingestel om die plaaslike nywerheid teen goedkoop invoere te beskerm.

Volgens die regering is tariewe van tot 75% op sekere staalprodukte goedgekeur, wat hoofsaaklik gemik is op goedkoop invoere uit Asiatiese lande.

Die besluit volg op ’n ondersoek wat bevind het dat staal teen onbillik lae pryse in Suider-Afrika gestort word, wat plaaslike vervaardigers onder druk plaas.

Die minister van handel, nywerheid en mededinging, Parks Tau, het die tariefverhogings goedgekeur as deel van pogings om die plaaslike staalbedryf te ondersteun.