SA vorder met stedelike ontwikkeling ondanks druk op munisipale dienste

Die minister van menslike nedersettings, Thembi Simelane, sê Suid-Afrika maak vordering met volhoubare stedelike ontwikkeling ondanks toenemende druk op infrastruktuur en munisipale dienste.

Simelane het tydens die Wêreld-Stedelike Forum in Azerbeidjan gesê die land se stedelike bevolking het van meer as 60 % tot byna 69 % gegroei en sal na verwagting teen 2030 meer as 71 % bereik.

Sy erken dat baie stede steeds met ongelykheid, agterstande in terme van infrastruktuur en oorbelaste munisipale stelsels worstel wat aan Suid-Afrika se ruimtelike geskiedenis gekoppel is.

Die regering hersien nou stedelike ontwikkelingsbeleid en prioritiseer informele nedersettings, klimaatsweerbaarheid en beter dienslewering.

Thembi Simelane. FOTO: Mail & Guardian