SA woorde haal die Oxford-woordeboek

Saamgestel deur Ilde Roos
2 hours ago
1 min read

Die Oxford English Dictionary het pas 14 Suid-Afrikaanse woorde by sy gesogte bladsye gevoeg.

Good Things Guy berig ’n woord verdien sy plek deur konsekwent oor ’n redelike tydperk in ’n verskeidenheid bronne voor te kom. Wanneer Suid-Afrikaanse woorde ingesluit word, beteken dit die wêreld gee aandag aan hoe ons werklik praat.

Van die woorde wat opgevat is, sluit in ‘plakkie’, ‘broekie’, ‘entjie’, ‘blesser’ en ‘chakalaka’, en sluit nou aan by bestaande gunstelinge soos ‘howzit’, ‘gatvol’, ‘braai’, ‘lekker’, ‘yoh’, ‘kif’, ‘yebo’ en ‘ubuntu’ – onder ’n verrassend lang lys ander woorde van Suid-Afrikaanse oorsprong wat reeds in die Oxford-woordeboek is.