Saftu waarsku teen hoër rentekoerse
- Saamgestel deur Nadia Pieters
- Jul 23
- 1 min read
Die vakbondfederasie Saftu vra die Suid-Afrikaanse Reserwebank om rentekoerse onveranderd te laat.
Die organisasie sê hoër rentekoerse sal huishoudings en ondernemings verder onder finansiële druk plaas sonder om die werklike oorsake van inflasie aan te spreek.
Volgens Saftu word inflasie hoofsaaklik deur stygende brandstof- en vervoerkoste aangejaag.
Die federasie sê Suid-Afrika se grootste uitdagings is werkloosheid, swak ekonomiese groei en dalende nywerheidsaktiwiteit, eerder as oormatige besteding.
Saftu doen 'n beroep op die Reserwebank om eerder beleide te ondersteun wat belegging aanmoedig, werk skep en ekonomiese groei bevorder.
Comments