Salga versoek insette van die publiek oor die hersiene konsep-witskrif oor plaaslike regering
- Saamgestel deur Ilde Roos
- May 11
- 1 min read
Die Suid-Afrikaanse Vereniging van Plaaslike Regering (Salga) doen ’n beroep op die publiek om aktief deel te neem aan die proses om die volgende fase van plaaslike regering te herdefinieer deur insette in te dien oor die Hersiene Konsep-Witskrif oor Plaaslike Regering.
Volgens SA News het die minister van samewerkende regering en tradisionele sake, Velenkosini Hlabisa, belanghebbendes tot 28 Mei gegee om hul sienings in te dien.
Salga se president, Bheke Stofile, sê alhoewel die huidige stelsel van plaaslike regering ’n stewige grondslag gelê het en belangrike winste gelewer het, het dit nie konsekwent gewerk soos bedoel nie.
Die plaaslike regeringsvereniging het gesê dit is bemoedigend dat ’n aansienlike aantal van sy voorstelle in die gepubliseerde konsep ingesluit is.
Stofile het die belangrikheid beklemtoon dat lede van die publiek deelneem aan hierdie “bepalende en historiese proses, wat sal bepaal watter soort plaaslike regering gemeenskappe in die komende dekades ervaar”.
Comments