Sanef sal sy kommer onder die aandag van die Landdroste-kommissie bring

Die Suid-Afrikaanse Nasionale Redakteursforum (Sanef) sê hy sal die Landdroste-kommissie nader oor die behandeling van joernaliste in howe.

Dit volg op kommer van joernaliste oor die manier waarop hulle in howe behandel word, wat verslaggewing beperk.

Sanef sê die publiek het die reg om te weet wat in die howe gebeur, en die media het ’n verantwoordelikheid om daaroor verslag te doen.

Die organisasie is van mening dat baie landdroste nie die beginsels van openlike regspleging en die openbare aard van hofverrigtinge verstaan nie.

Ter illustrasie. FOTO: Wix