Sanral-planne vir padbesighede wek teenkanting
- Saamgestel deur Nadia Pieters
- Mar 25
- 1 min read
Die Suid-Afrikaanse Nasionale Padagentskap, Sanral, se voorgestelde beleidswysigings vir besighede langs nasionale paaie lok toenemende teenkanting.
Volgens Maroela Media wil die agentskap onder meer bepaal watter ondernemings langs paaie mag funksioneer, waar hulle geleë is en hoe ver hulle van mekaar af moet wees.
Sanral stel ook voor dat hy ’n persentasie van besighede se omset hef en self betrokke raak by die uitrol van elektriese voertuig-laaistasies.
Kritici waarsku dat dit ’n botsing van belange kan skep, aangesien Sanral dan beide reguleerder en rolspeler in die mark sal wees.
Sakegroepe en grondeienaars voer aan die voorstelle oorskry die agentskap se mandaat en meng in met privaat eiendomsregte.
Hulle sê die beleid kan belegging ontmoedig en verdere onsekerheid in die sektor veroorsaak.
Die kommentaartydperk oor die wysigings sluit 25 Maart 2026.
Comments