SANTACO ontken betrokkenheid by beweerde afpersing

Die Taxi-vereniging SANTACO het hom gedistansieer van individue wat hulle as taxi-industrie-amptenare voordoen en glo private voertuigbestuurders stop en geld eis. SABC News berig die organisasie het ook 'n beroep op die publiek gedoen om sosiale media-bewerings dat taxi-operateurs beplan om private voertuie te skut, te ignoreer. Volgens SANTACO is sulke optrede nie deur die organisasie gemagtig nie. Hulle versoek ook die publiek om hulle daarvan te weerhou om ongeverifieerde inligting te versprei wat die integriteit van die bedryf skaad en vrees onder gemeenskappe saai.