SANW-lede is tydens ‘n operasie teen onwettige mynbou oorlede

Twee lede van die Suid-Afrikaanse Nasionale Weermag is tydens 'n operasie teen onwettige mynbou in Wes-Johannesburg oorlede.

Volgens 'n mediaverklaring van die weermag het die soldate vermoedelik onwettige mynwerkers by 'n verlate goudmyn agternagesit toe hulle in 'n oop, verlate vertikale mynskag geval het.

Spesialis-noodspanne, waaronder Mynreddingsdienste en rampbestuurspanne, is ontplooi om die soldate te help, maar hul liggame is later uit die skag gebring.

Die weermag sê die proses om die soldate formeel te identifiseer en hul naasbestaandes in kennis te stel, is aan die gang.

Die name van die oorledenes sal eers bekend gemaak word nadat hul families ingelig is.

Ter illustrasie. FOTO: Tygerberger