Sassa hersien sy betalingsreëling vir November weens die verkiesing
Sep 30
1 min read
Die Suid-Afrikaanse Agentskap vir Maatskaplike Sekerheid (Sassa) hersien sy betalingsreëling vir November se toelae. Dit kom nadat president Cyril Ramaphosa aangekondig het dat die plaaslikeregeringsverkiesing op 4 November sal plaasvind.
Maroela Media berig volgens die oorspronklike rooster sou die toelae vir ouer persone op 3 November betaal word, gevolg deur die ongeskiktheidstoelae op 4 November en die kindertoelae op 5 November. Die vierde betalingsdag van 6 November is aangedui vir begunstigdes wie se toelaes onder hersiening is.
Sassa sê die aanvanklike reëling word nou in oorleg met die betrokke belanghebbendes heroorweeg. ’n Hersiene betalingskedule is nog nie aangekondig nie.
Comments